السلام عليكم الاخوات العزيزات ،اغلبنا شي مرات كنوقفو على شي حوايج وكنلقاوش المقادير فالدار،لذلك انا دائما كنقلب على البديل لكل حاجة،،وهاد المرة جربت واحد الطريقة جديدة لصلصة البيشاميل وصراحة جات اكثر من رائعة،المهم ندخلو فصلب الموضوع الا بغيتي البيشاميل وما عندك حليب هذا هو البديل اولا دائما فاول الشهر تبقاو تجيبو الحليب المجفف،خودو غير الساشي الصغير باش منين توقفو عليه تلقاو هو مكيضيعش بحال الحليب العادي.
المهم كندير 2 كيسان كبار ديال الماء، ونضيف ليهم كاس نيدو وملعقة ونصف او ملعقتين الدقيق ونخلط مزياااان وندوب ملعقة الزبدة ونضيفها للخليط حتا يعقاد،وننكهو باش ما بغيت وهاهي عندي صوص بيشاميل وااعرة نتمنى تعجبكم الفكرة.
