سلام عليكم حبيباتي
جيت اليوم نشارك معاكم واحد الطريقة ساهلة وبسيطة بزاف غتهنيكم من تقشير مطيشة
وتخلي القشور يزولو بكل سهولة اوا يا لالة تبعي معايا
الا بغيتو تقشرو دغيا مطيشة غادي تشدو كاسرولة و ديرو فيها الماء و ديروه يطيب حتى يولي سخووووون
ومن بعد شدو مطيشة وحيدو ليها القلب ديالها و شرحوها بالموس و ديروها فهداك الما لي سخون
و سيرو وجدو زلافة كبيرة شوية ديرو فيها الماء باااارد و زيدو معاها حتى الثلج الا عندكم يلا مكانش بلاش
و حيدو مطيشة من الما سخون و ديروها فالما بارد
ديك ساعة غادي تجيكم سااااهلة باش تنقيوها بلا متستعملو الموس
جربوها و ردو عليا الخبار
