اليوم جبت ليكم طريقتي فتوجاد الخرشف و اللوبيا
كنقي على بركة الله سواء الخرشف او اللوبيا و كنعملو يطيب فالكوكوت مع الماء و الملحة
فاش كيقرب يطيب ..كنطفي عليه و نخليه يبرد، ثم كنخويه بماه فبواطة و نضيف ليه شوية الزيت و طروفا الحامض
طري و نخليه فالثلاجة . فوقت الاستعمال كناخد شوية و نعملو فالطنجرة بلا منغسلو باش تبقى فيه ريحة الحامض.
فعلا كيجي رائع و ممكن تستعملي حتى شي طرف الحامض معاه فالطياب
هاد الطريقة كتحافظ ليك على الخرشف و اللوبيا مدة شهر أو 20يوم تقريبا و كيجي بنين و واجد فالوقت لي بغيتيه
