مقادير بيتزا بعجينة ساهلة ومضمونة
- 350فورص
- 240غرام ماء دافئ
- شوية زعيترة
- شوية ملح
- نصف كاس زيت الزيتون
- لخميرة تقربنا معلقة صغيرة او اقل المهم حسب الجو
- والحشوة حسب رغبتكم
طريقة تحضير بيتزا بعجينة ساهلة ومضمونة
تنعمل كل من لخميرو وملح وزعيترة
تنضيف عليهم شوية ماء باش ندوبهم هو الاول
تنضيف الزيت ونحرك مرة اخرى
من بعد تنضيف ماء دافي بطبعة الحال
وتنضيف طحين مرة وحدة وتنخدم الكل غير بالمعلقة مزيااااااااان
حتى نحصلو على عجين شويا جارية بهاد شكل
تنغطوها ونتركها حتى تخمر وضاعف حجمها
تندهنو لاطة الفرن الضو اللى في صورة بالزيت الزيتون
وهنا لعجينة خمرات وواجدة للاستعمال
تنخدمها مرة اخرى
وتنفرغها في لاطة اللى حضرنا (لعجينة ما جارية ما قاصحة)
وكنبسطها بالتساوي
والحشوة حسب رغبة
انا عملتها بالطون
بسطت صلصلة طماطم اللى حضرتها ونسمتها بالحبق
وعملتها فوقها الطون مصفي من زيت
للاشارة
زيت طون هو اللى تنطيب بيه صلصلة طماطم
وتنعمل خطوط بالفلفلة مشوية
واللى تيحبها خضرا يستعملها على شكل دوائر
لكن مشوية تتجي احسن لانها كيجي فيها مداق مدخن
منين طيب تنرشها بالفرماج حمر محكوك في جهة لغليضة لحككة وندخلها للفرن مرة تانية
وتنقدمها بالصحة
