جبت ليكم أروع طبق كراتان بالدنجال والبطاطا كنوجدو فالغداء ملي نكون زربانة
المكونات والطريقة:
كنحتاجو لبطاطا مسلوقة و ممعوسة نخلط معاها ثومة محكوكة و ابزار و تحميرة و خرقوم و كمون و قزبور و معدنوس مقطعين و نخلطو مزيان الدنجال نقطعوه على الطول يكون رقيق و ندردرو عليه مليحة و نخليوه حتى يطلق الما ديالو باش ميشربش الزيت نوجدو صلصة طماطم عادية.
هنا ستفت الدنجال و درت فوقو الصلصة لي خليتها حتى بردات و خلطت معاها بيضة و دردرت فرماج محكوك.
و درت مرة اخرى كنت خلطت مع البطاطا شوية الكفتة مشحرة و من الفوق درت غير الصلصة بلا بيض و دردرت من الفوق المودزاريلا.
