السلام عليكم حبيباتي
طبعا الزيتون لي كيتباع ماشي صحي
حيت طايب بالصودا
و حنا بغيناك تستهلك بلا متهلك
كتاخدي الحبيبة ديالي الزيتون الكحل و تغسليه و تخليه يتسقطر
كتجيبي برميل لي غادي تستعملي
و تخوي فيه مقدار ديال الزيتون
و تخوي من فوقو كمشة ديال الملحة الحية
و تعاودي تزيدي مقدار ثاني ديال الزيتون
و من فوقهم عاود كمشة ديال الملحة
و هكذا حتى تسالي المقدار لي عندك
المهم
الملحة عينك ميزانك
انا مكنعبرش
و بالتالي تسدي البرميل بإحكام
و تخليه فشي مكان بعيد على الشمس
ميتحلش..سيغتو با
الى داز ليه البرد ..عوضك على الله
كل اسبوع
كتجيبي البرميل و تبقاي تكركبي فيه
باش يتحرك لداخل ديالو
من بعد 40 يوم تقريبا
فتحيه و شوفي واش طايب
كان باقي سدي عليه ثاني واحد الاسبوع
اوى
فاش يوجد
بقاي تهزي شوية منو بالشبكة
و غسليه
و دهنيه بالزيت الزيتون
و عمريه فشي قريعة
و حتى الى بغيتي تشرمليه..يطلع غزال
و أراك للخبز سخون و كاس اتاي بالشيبة همممم يا سلام
هادي نصيحة من وزيرة الصحة وبصحتكم
| اعلانات |
|---|
