يلا كان المسمن كيشد ليك الوقت في تحضيره
إذن عجنيه بحال العادة كوريه ثم طويه
على هاد الشكل :
(المقصود الشكل الوسطاني المربع )
طوي المسمنة على هداك الشكل بلا ما تكرصيها بعد الطي
ثم دخليها للفريكو فبلاطو مفروش بميكة حتى تجمد عاد جمعي المسمنات فساشي وحدة
الفـــــــــائــــــــدة ؟
كتربحي وقت كبير وقت ما احتاجيتي مسمن طري
بحيث كتجبدي لعجين يتطلق ما بقا ليه غير تسريحة خفيفة بأصابعك وتطيبيه طري
لكن الى كنتي ناوية تجمديه وعند الطبخ عاد تعملي ليه
حشوة فإذن خاصك تجمديه على هاد الشكل
باش يبقى ليك غير تسرحيه وتعمريه
ويلا بغيتي المسمن يجيك هشيش ويذوب فالفم
زيدي على العناصر العادية كالدقيق والملح زيدي كل من :
خميرة الخبز وخميرة الحلوى، وملعقة مايزينا وزيت العود
كلها عناصر كتخلي المسمن رطب ومتميز المذاق
