شكر خااص للاخت Jamila Rhya : بالمقادير و الصور:عراضة الاخت جميلة لضيوفها….من داكشي الرفيع
طرطة المارنج
5 ابيض البيض كنضربهمم مع 2 كيسان سنيدة حتى يرجعو بحال التلج.
نخد طاوة ديال الفرن نحط فوقها ورق الزبدة ونقسم بياض البيض اللي ضربناه على 2 ونعمل على شكل داءرة ندخلهمم الى الفرن 150 درجة لمدة 25 دقيقة ومن بعد نخليه يبرد.
ناخد 150 غ شكلاط وندوبها على نار مهلة ونحطها فوق وحدة من داءرة المارنج نعمل فوقوها 3 دسلتر كريم شانتي مضروبة مع 250 غرام توت ونعمل فوقو الطبقة التانية من داءرة المارنج ومن بعد تاني كريم شانتي اللي مضروبة مع التوت ومن بعد نزيت بالفريز و les myttilles والشكلاط محكوك.
ديسير باناكوطا
خديت لتر ديال قشدة طرية زدت عليه كاس سكر وغليتو وزدت عليه 4 ديال جيلتين بعد ما درتو في ماء بارد لمدة 5 دق حركي حتى يدوب الجيلاتين. زوليه من فوق البوطة خليه يبرد زيدي عليه 2 معالق صغار فاني ديريه في كؤوس وخليه في التلاجة شي3 سوايع ومن بعد زوقي من الفوق بالفواكه حسب الدوق.
popcake
خديت 2 باكيت بسكوي اريو طحنتو وخلطتو مع 200 غرام فيلادلفيا وخليت في التلاجة حتى شد راسو عملت كويرات وخليتهوم شوي و خشيت فيهم هادوك لعميدات بعد ما غمستلوهم الراس بالشكلاط هدوب باش يشدو راسهم ومن بعد دوزتهوم في الشكلاط ابيض وزوقت حسب الاختيار
حلوة طبقات
لباط الاولى
75 غرام زبدة بحرارة المطبخ كنضربها مع 1 كاس سنيدة نزيد عليه 4 اصفر البيض وواحد ونصف كاس طحين و معلقة صغيرة ونصف خمارة ديال الحلوى و 3 معالق كبار حليب. نسرح هاد الخليط فوق طاوة ديال الفرن .
لباط التانية
4 ابيض البيض نضربها مع 2 كيسان سنيدة حتى يصير متل التلج نسرحو فوق لباط الاولى ونزين باللوز فيلي تم الى الفرن 150 درجة لمدة 25 دقيقة.
التزيين:
لما توجد الطرطة نقسمها على 2. ناخد صحن التقديم نحط فوقو نصف الكيكة نحط فوقها 3 دسلتر كريم شانتي والخوخ كونسرف مقطع اوي اي فاكهة اخرى ونحط فوقو النصف التاني.
جربوها لانو صراحة كتدوب في الفم.
هدا براوني بالمارنج
الطريقة
كنضرب 3 بيضات مع 3 كيسان عنبة سنيدة نزيدو عليها 200 غرام زبدة مدوبة بعد ماكنكونو خلطناها مع كاس ونصف كاكاو نزيدو عليهم 2 معلقات صغار فاني+ نصف معلقة خمارة حلوى + 3 كيسان طحين نخلطو الكل تم الى الفرن 150 درجة لمدة 20 دقيق كنخرجوها ونحطو عليها من الفوق المارنج للي صوبتو من 4 بياض الليض و 2 كيسان سكر ونرجعوها الى الفرن لمدة 15 د . قبل التقديم كنزوقها بفاكهة البسيون.
خديت ورقة البسطيلة قطعتهوم على شكل مربع دخلتهوم في الطاوة ديال الماضلين دهنتهوم بالزبدة عمرتهوم بخليط مكون من فرماج الفطا وطماطم سشي في الزيت كنزيد عليهم الباسيليك .
منين نحشيهم كنحط عليهم خليط مكون من 3 بيضات و1دسلتر كريم فريش وندخلهوم الى الفرن 200 درجة مابين 20 حتى 25 د.
خديت بطاطس صغيرة غسلتها قسمتها دواءر زد ت عليها ملح بزار و ازير طري والزيت ودخلتها للفرن 225 درجة لمدة 25 د
الدجاج
خديت البقدونس التوم الملح لبزار الخرقوم شوية القرفة سكين جبير والليم مصير الزيت السمن وطحنت كلشي في مولنكس وشرملت الدجاج وقليتو شوية في الطنجرة اللي درت فيها العطرية والزيت وزولتو ودرتو في الفرن حتى.طاب. من بعد خديت 4 بصلات مشلدين ودرتهون في الطنجرة للي قليت فيها الدجاج وخليتها حتى تشحرت. وقدمتو مع اللوز والكرموس والمشماش معسل.
كويرات جوز الهند
200غ شكلاط ابيض مدوب
2 ونصف كاس جوز الهند
شوية ليم محكوك
نخلطو الكل نخليوهم يبردو شوي نعمل كويرات وندوزوهم في جوظ الهند.
خديت الضلعة عملت شريطات بالموس ودهنتها بخليط مكون من الملح زيت بلدية بزار كمون تحميرة سمن والاعشاب المنسمة ازير زعتر اللي موجود ودهنتها مزيان ودخلت الخليط فدوك التقبات اللي عملت بالموس وخليتها ليلة كاملة في التلاجة.
تاني يموم شعلت الفرن على 225 درجة دخلت الضلعة لمدة 10 د ومن بعد نزلت الحرارة الى 125 درجة وخليتو طاب على مهل. انا عندي طرمومتر كنخشيه في الضلعة هو اللي كيعطيني فوقاش توجد.
ومن بعد قدمتها بالاناناس والمشماش معسل والجرجاع او حسب الدوق ديالكم.
