الى كل الحادكات كل ما يتعلق بالتجميد السريع و العادي…نصائح جد قيمة

يسعدنا سيدتي أن نقدم لك في هذا المقال كل ما يهمن التجميد العادي و التجميد السريع و  نصائح مهمة تفيدك

التجميد العادي والتجميد السريع والفرق بينهما

1 ــ التجميد Congeler في مجمد البيت هيا عملية تجميد الأغذية بالطريقة اللي كل وحدة منا كاتعرفها وهيا على درجة مابين -18° و 25° تحت الصفر وهذ العملية كاتتراوح مابين 12 حتى 72 ساعة وفي هذه المدة هذاك الماء اللي في الاكل كايتجمد متحول الى ثلج

وهذ الطريقة كاتسمى التجميد البطيء

2 ــ وتجميد الاكل في المحلات التجارية industrielle كايكون على طريقة التجميد السريع وكايكون على درجة مابين – 35° – 196° تحت الصفر وهذه العملية اسمها Surgeler او التجميد السريع وهذا النوع من التجميد مستحيل يكون بمجمد البيت لانه يتطلب تقنيات والات عالية الجودة وبمراوح كبيرة وسريعة جدا وهذه تكون في المحلات industrielle وشركات التجميد فقط

3 ــ الفرق بين هذه الطرقتين هو: التجميد السريع يحافظ على المواد الغدائية اطول من تجميد البيت

وخاصنا نعرفو بان التجميد لا يقتل البكتريا les bactéries ولكن يجمدها فقط ولهذا خاصنا مانستعملوش اكياس لبلاستيك المخصصة للتجميد اكثر من مرة وغير نخرجو منها الاكل نرموها باش ماتتحول البكتيريا les bactéries من مادة لمادة

4 ــ والى شرينا اكل مجمد وبغينا نجمدوه من جديد خاصنا نحطوه بسرعة قبل يذوب ويتفتح ونحطوه بلامبلاج ديالو les emballages d’origine باش مايتفتح ويدخلو الهواء

5 ــ الى بغينا نجمدو اكل خاصو يكون برد وممنوع ندخلوه للمجمد اكل وهو سخون اولا غادي يذوب الاكل اللي تحط قربو وثانيا غادي يتجمد عليه طبقة من الماء وهذه تغير طعمو وثالثا غادي يضيع لنا الضوء ويستهلك المجمد اكثر واكثر ورابعا هذا مضر بالصحة

6 ــ خاصنا اي حاجة درناها في المجمد نحاولو نخرجو الهواء من الاكياس باش ماينشف لينا الاكل

7 ــ والى درنا الاكل في باطات بلاستيكية ولا زاج خاص بالمجمد مانعمرهمش حتى للفوق دائما نخلو 1 سنتيم فراغ خاوي

8 ــ اي حاجة خرجناها وذوبنا ثلجها مانرجعوهاش للمجمد الى اذا طيبناها وبغينا نجمدوها وهيا طايبة

10 ــ الى بغينا نديرو الفواكه او الخضار خاصنا نغسلوها اولا ونشفوها عاد نجمدوها

11 ــ مدة تجميد الاكل : الاكل المجمد في المحلات التجارية Surgeler اذا حطيناه وهو باقي مجمد

اللحوم والاسمااك من 8 شهور الى 24 شهر

الحلويات pâtisseries من 12 شهر حتى 24 شهر

الخضرة والفواكه من 24 شهر حتى 36 شهر

12 ــ مدة تجميد الاكل : الاكل المجمد في البيت تجميد بطيء produits congelés maison

الحوت من 3 شهور حتى 5شهور

لحم العجل الخروف من 6 شهور حتى 8 شهور

لحوم الصيد ولحم البقر والدواجن 12 شهر حتى 18 شهر

الخضرة والفواكه من 8شهور حتى 12 شهر

اكل طايب بحال بريوات بيتزا بسطيلات و و ..الخ من 3 شهور حتى 5 شهور

13 ــ طريقة تذويب الثلج décongeler من الاكل او الاشياء المجمدة كما قلنا البكتيريا ماكتموتش بالتجميد ولهذا خاصنا نحطو الحاجات اللي بغينا في الثلاجة تحت حتى تفتح على خاطرها باش هذيك البكتيريا ماتتكاثر

ولا ندخلوها للمكرو ويف micro-ondes ونحطوه على décongélation

ومن الاحسن والاضمن ان شاءالله الى حطيناها مباشرة على النار (يعني نطيبوها عنداكم تسمعو على النار وتمشو تخرجو العصير وتحطوه على الناار هههههه كانضحك معكم يالحادكات )

14 ــ باش نستغلو كل فائدة من الاكل ومانضيعو الضوء بزااف نفرقو الاكل على اكثر من باط او نصغرو الاشياء باش يتجمدو بسرعة حفاظا على الفائدة والضوء مايضيع