السلام عليكم ورحمة الله وبركاتة
كيفما عرفتو هدا وقت الحامض…شريت الالة واحد 4كيلو غسلتو و فبانيو خويت عليه الما سخون باش اولي فيه العصير كثير
عصرتو وخويت شوية بشوية فدوك المربعات للي كيكونو فالفريكو حتى كيجمد و كنجمع المربعات فميكة و نخليه فالكونجيلاتور
فرمضان والصيف و مع حنا هنا كتوصل الحرارة للقمة كناخد مربع و نستعمل فالعاصير و كنستعملو حتى لشلايض و الدجاج .
هاذ الطريقة كنديرها حتى لمطيشة الحك باش ماتحماضش وفوق ما بغيت مطيشة كنجبد مربع او اكثر حسب الحاجة وكدلك الثوم مقطع مع الربيع وهي فعلا طريقة عملية
والحامض ايضا كناخدو وكنقطعو دوائر وكنستفو في بلاطو وندخلو للمجمد حتى يجمد ومن بعد كنعملو في بلاستيكة واحدة وملي نببغيه كنجبد القد اللي بغيت ونستعملو بحال للحوت مثلا
وصفة لتحضير السيطروناد…المقادير
4 من حامض الشط او السيطرون -5 ديال لليمون ديال لماكلة او ديال لعصير لي موجود عندك . زلافة ونصف سنيدة \زلافة كبيرة\ 2 معالق سنيدة الحامضة كاتباع عند مول لهري
الطريقة:
كتشدي الكل وتحكيه فالحكاكة بالقشور ديالو .ومن بعد ضيفي سنيدة وسنيدة الحامضة وخلي الكل يبات .والفصباح صفيه انا كنستعمل الغربال ديال الطحين باش نصفيه لانه كبير وكيطلقني دغيا ومنين تحصلي على داك الخليط \كنسميواه السيرو\ لاه مركز . كنحتافظو بيه فقرعة ديال الزاج اولميكة لي مهم ماتكونش فيها الريحة ومنين تبغي تخلطي ديري نصف كاس منو مع كاس ديال لما …….المهم راه تيجي رائع خصوصا فالصيف .
طريقة اخرى
تاخدي الحامض وتعصره وتحكي لقشور وداك الش الي خرجلك ديال العصير كتعبريه لكل لتر كتعبري كيلو سنيدة هاد سنيدة كتاخديها وتزيدي عليه شويا العصير ودوبيها على عافية مهيلة ونتي كتحركي ومن بعد تخلطيها مع العصير الأخر وتخليه تبات في الصبح دوزيها في الميكسور وصفيها وديريها فشي طاسة ديال ميكة وسدي عليها وعمليه في فريكو وهانتي عندك سيتروناد فقاش ما بغيتي عصير الحامض كتاخدي منها ملعقة لكل كاس من الماء تقديري ديري اكتر الا بغيتي انتي ودوقك مع مكعبات التلح ممتع ورائع للصيف
ومتخافيش راه من العصير يدخل فريكو ميقصاحش كتقدري تزولي منو الي بغيتي بسهولة
ملاحضة مهمة عنداك تقصي العصير من تكوني توحديه بالماء ممنوع الماء حيت هو الي كيقصحو في المجمد
