وصفة الاخت مارية تبارك الله عليها
المقادير :
- 160غرام سكر
- 160 غرام طحين
- 4 بيضات
- ساشية د الفاني
- معلقة د ميسكو
للتزيين:
قسمت الجنواز على جوج (ماطلعاتش ليا مزيااااااان حيت تحل عليها الفران بالغلط هههههه )
و طربت الكريمة شانتيي غبرة او سائلة لي موجود عندكم و درت شوية د نكهة الخوخ (موجودة عند مول اغراض الحلويات خودو غير 3 دراهم اديرو منها بزاااااااف دالمرات ) و كانسقي الجنواز بداك الما لي فعلبة الخوخ المعلب اولا يمكن ديرو سيرو و لا عصير الليمون و قطعت شوية د الخوخ فالوسط ديال الكيكة و غطيت و درت الطبقة التانية و سقيت ودرت تاني الكريمة(كانقاد الكريم و كولشي فوسط المول باش تجي زوينة فالديكور ملي نحيدها) و خشيوها فالفريكو تاتكرم ليلة كاملة تقريبا ، الغد ليه جبدوها درتلها من الفوق ناباج جوج معالق كبار ( تاهو تاخدو غير 5 الدراهم راه يعطيكم بزاف ) مع شوية نكهة د الخوخ و ندوبوه فوق البوطة شويةو نكبوه فوق الكيكة . و التزيين من بعد اختياري
