نقدم لك لالة وصفة جديدة من وصفات عيد الاضحى الكفتة رولي ومعمرة بحشوة رائعة،كتجي بنينة بزاف نتمنى تجربوها.
وصفة الاخت أم ضياء
تحضير الكفتة رولي معمرة
ناخد الكفتة (اللحم الفروم) وكنتبلوها بالملح والبزار والسكنجبير ومعدنوس مفروم ونخليوها على جنب ونوجدو الحشوة
الحشوة (اختيارية ممكن استعمال الخضار او روز ….)
انا شحرت البصل مع شوية الزيت وضفت كبدة الدجاج والتومة ومن طابو ضفت الشعرية الصينية والبزار وسكنجبير والتحميرة والملح والكمون وشوية الهريسة ونخلطو الكل
ناخد الكفتة نبسطها فوق ورق بلاستيكي ونعمروها بالحشوة ونرشو شوية المودزريلا ونبداو روليو الكفتة وندخلوها للثلاجة واحد الساعة
نخرجوها وندخلوها للفرن مع شرائح البصل والطماطم ومين طيب نرشو شوية المودزريلا ونخليوها ذوب فوق رولي الكفتة ونقدموها
وبالصحة والراحة.
