مجلة وصفات لالة مولاتي تقدم لك وصفة رائعة من الأخت Souad Elmihamdi، عبارة عن ملاوي بالشحمة بطريقة جديدة وبنينة.
العجينة:
كيلو الا ربع دقيق الفورص وربع كيلو الفينو ملعقة ملح و خمارة نجمعوها بالماء ونعملو منها كويرات نغطيوها بسولوفان و نخليوهم يطلقو.
الحشوة:
ربع كيلو شحمة الكلاوي تكون مزولة ليها العروق والخيوط ديالها ونطحنوها مزياااان نعملوها في مقلة فوق النار حتى تدوب ونضيفو العطرية ابزار كمون خرقوم سكنجبير ابزار نخليوها حتى تدوب ونضيفو عليها فلفلة وبصلة مشلضين رقييييق او مطحونين نخليو كلشي حتى يذبالو ونضيفو الربيع مقطع ونطفيو النار.
نطلقو الكويرات بالزيت ندهنوهوم بالخليط لي حضرنا ونطويوها على 4 الطوية المعروفة ونخليوهم يرتاحو من جديد عاد نطيبوهوم فوق المقلة الثقيلة وبالصحة والراحة.
