وصفتي لكن اليوم غالياتي ماكارون بطريقة مبسطة وناجحة بإذن الله، سبق لينا وجدنا الماكرون ولكن بمورانك ايطاليان وتقنيات مظبوطة ولكن هاد المرة نحاولو نديرو ماكارون بمورانك فرونسيز اسهل مايكون وبمراحل بسيطة وتقدر اي سيدة تصاوبو و ينجح ليها ولكن حاجة وحدة تايكون فران المروحة ضروري فهاد الوصفة
غانحتاجو فهاد الوصفة:
- 2 بياض البيض
- 150 سنيدة
- 100 غرام سكر كلاصي سبيسيال
- 100 غرام اللوز بودرة
- الملون اللي بغينا
فالاول نوجدو المورانك نطريو بياض البيض مع 150 غرام سنيدة على 3 دفعات حتى يطلع و ناخدو السكر كلاصي من النوع الجيد واللوز مطحون ومغربل ونخلطوهم مزيان ونغربلوهم 2 مرات ونبقاو نزيدوهم شوية بشوية على المورانك ديالنا بلاسباتيل ونقسمو الخليط ونضيفو الملونات ونرسمو دوائر فورق السولفوريزي او السيلباط ونبوشيو الخليط ونشكلو الماكرون ونخليهم واحد ساعة فاللاطة حتى ينشفو عاد ندخلوهم الفران 150 درجة 15 دقيقة ونخرجوهم ونخليوهم يبردو ونلقصهم بالكناش وبالصحة والراحة
