المقادير مع الطريقة بالتفصيل:
خاص تكون الدجاجة مغسولة مزيان بالملح الخل والحامض ونخلوها تستقطر مزيان
نوجدو شرمولة درت 5 ضروس الثوم و شوية الملح ودقيتهوم مزيان فالمهراز
من بعد ضفت ملعقة صغيرة سمن خرقوم وسكين جبير وشوية ابزار
خلطت و دهنت بيهوم الدجاجة من الداخل و من برا وتحت الجلد مزيان باش تجي بنينة و دخلتها للثلاجة باتت فيها
الغد درت بصلة كبيرة مقطعة 1 ملعقة كبيرة زيت و1 ملعقة كبيرة سمن 2 ضروس توم محكوكين قزبر و معدنوس مقطعين فكوكوت وحطيت عليهوم الدجاجة و خليت داكشي يتحمر على عافية مهيلة
من بعد رويت وخليتها طيب بلا مانقفل الكوكوت كتسد وتخليها منفسة شوية من واحد الجهة خليتها طابت 45 د تقريبا على عافية متوسطة
من بعد حيدتها و خليتها تبرد بوحدها وخليت المريقة طيب باش تختر وتوقف
فاش بردات الدجاجة مزيان دهنتها بالزبدة مزيااان و دخلتها للفران تحمرات من كل الجوانب
المرقة ضفت ليها الزيتون مقطع والحامض مصير وشوية عصير الحامض شي 5 دقائق قبل مانطفي عليها
