من الاخت ام اسامة وايمان
مقادير طورطة كواخادا:
- 1 لتر كريم فريش
- 1 نيستلي مركز ومحلى
- 1 ليتر حليب
- 1 علبة كواخادا
- 2 علب بسكوي أنا كنعمل ماريا وانتوما شوفو لي يناسبكم
- شوية د الحليب لي نجمع بيه البيسكوي
طريقة تحضير طورطة كواخادا:
نطحن البيسكوي ونخلط معاه شوية د الحليب حتى يتجمع ونعملو في مول كيتحل من الجنابمنين نكون كنمدو فالمول ممكن نفزك يدي بشوية د الحليب
حيت كتكون كتلصق وندخلها للمجمد على مانوجد الخليط
نعمل الحليب في طنجرة ونخوي عليه 4 خنيشات لي كيجيو فكواخادا ونحرك مزيان
نضيف الحليب المركز مع التحريك المستمر
ثم الكريم فريش مع التحريك
غير نتأكد أن كل الخليط امتزج مزيان نعملو على العافية مع التحريك المستمر حتى يبدى يغلي
نفرغ الخليط فوق مغروفة الحريرة ومنها ينزل للبيسكوي
ونخليها تبرد شوية وندخلها للثلاجة كتاخد من 2 ل 3 ساعات باش تبرد مزيان
ونزينها حسب الرغبة ممكن تقدميها بعد الأكل كتجي رااائعة جدا
