عيتي من لمراقي في الغذا والعشا وبغيتي تبدلي شوية؟؟ هانا جبت ليك في هاذ المقال طريقة تحضير كوميرات معمرين كيجيو لذاذ بزاف ومكيخدوش الوقت بزاف جربيهم وغيعجوبك.
مقادير العجين:
- نصف كيلو فورص
- 4 معالق كبار حليب غبرة
- شوية الملح
- ملعقة صغيرة موطارد
- 2 معالق صغار سنيدة
- 2 معالق صغار خميرة الخبز
الحشوة على حسب الرغبة الاخت كريمة استعملات خيزو محكوك بصلة+ قرعة محكوكة الكفتة و كلشي مشحر و بطبيعة الحال متبل..
طريقة العجن:
كتاخدي الخميرة دوبيها في ربع كويس ديال الماء دافئ مع السنيدة و تخليه حتى تطلع من بعد كتاخدو شي بانيو كديري فيه الفورص+الحليب غبرة + الملح+ خليط الخميرة تم كتجمع كلشي بالماء دافئ و تدلك العجين جيدا تم نضيف 2 معالق كبار زبدة مقطعة مربعات و تدلك العجين مرة اخرى حتى تولي رطبة و لينة. تم نخليوها تخمر
فاش تخمر العجين تقسم كويرات و تبسط كل كرة و تحشى و كتلويها و تترك لتختمر مرة أخرى تم تدهن باصفر البيض تفليهم و تزين بالبافو او الجنجلان و الى الفرن مباشرة.
فاش يطيبو نزينوهم بالفرماج محكوك و بالصحة و الراحة.
