موقع وصفات لالة مولاتي يقدم لكم طريقة تحضير فطائر رمضانية بالطون و الفرماج
مقادير العجين:
- نصف كيلو دقيق
- 4 معالق كبار زيت رومية
- معلقة كبيرة خميرة
- 1خمارة ديال الحلوة
- معلقة كبيرة نيدو
- كاس دانون مسوس
- شوية الملح
- معلقة كبيرة سنيدة
نجمعها بالماء دافئ وتكون بحال عجينة الخبز ندلكها مزيان تتولي كتطرطق ف ايدنا ونخلوها تخمر
من بعد ناخد مقلة نشحر فيها بصلة كبيرة مع زيت بلدية
تم نضيف ليها الفلافل بانواعها مقطعة مربعات صغار
ونضيف الملح ونخليهم يطيبو
من بعد نضيف معدنوس مقطع والبزار ونطفي العافية
من بعد نزيد الطون مصفي 2 حكاك نخلط مزيان ونخليهم يبردو
من بعد نسرح العجين مربع كبير
ندهن بالمايونيز
ندير الحشوة في الوسط ونعمل فوقها فرماج سندويش
نسد بجهة وحدة ديال العجين وندير فوقها طريفات من الفرماج ونسد الجهة التانية
نقطعها مستطيلات بجرارة الپيتزا
نزلهم في لاطة مدهونة
ندهنهم بالبيض ونرش الزنجلان وندخلهم للفران مسخن مزيان بلا ميخمرو هنا ندخلوهم مباشرة بعد الدهن
وهنا من بعد ماخرجو من الفران
اقسم لكم بالله انهم كيجو بنآآآآن بزززززززززززززززززززززززاف والعجين رطبة بحال القطن نتمنى تجربوهم حينت فعلا كيستحقو التجربة للي هي مضمونة 1000 في 100
