موقع وصفات لالة مولاتي لكل ما يهم المرأة المغربية والعربية يقدم كيكة الكوكوت بالصور
مقادير كيكة الكوكوت
- اربع بيضات
- كاس و نصف سنيدة
- كاس صغير من الزيت
- كاس و ربع من الماء الساخن مخلط بنسكافي
- ثلاث ملاعق كبيرة من الكاكاو
- ملعقتان كبيرتان من الخل
- ثلاث كؤوس من الدقيق
- ثلاث اكياس من خيرة الحلوى
طريقة تحضير كيكة الكوكوت
في مولينكس نخلط البيض + الزيت + الخل و سنيدة ثم نضعهم في اناء و نضيف لهم الكاكاو الدقيق و الخميرة و في الاخير نضيف الماء الساخن المخلط بنيسكافي و نخلط حتى تتجانس كل المكونات
ناخد طنجرة الضغط ندهنها حتى اخرها بالزبدة و نرشها بالدقيق نصب الخليط و نغلق الكوكوت بدون وضع الصفارة و نضعها على اصغر كانون على نار مهيييييييييييييييييلة
و اؤكد على ان النار يجب ان تكون مهيلة على اخرها و نضع تحت الكوكوت حديدة بحال إلا بغينا نطيبو الطاجين
نترك كيكة الكوكوت لمدة 40 الى 45 دقيقة نقلبو بالموس واش طابت
المهم ملي نشوفو دخان ابيض خرج من بلاصة الصفارة نعرفوها طابت و نطفيو عليها
و هذا شكلها
نتركها حتى تبرد جيدا لكي لا تتفتث عند تقطيعها
و نقسمها الى ثلاث قطع
و في الاخير نخلط ياغورت مع الشكلاط الاسود المذاب و نصبه فوق كيكة الكوكوت
نزينها بالشكلاط الابيض الذائب مع القليل من الحليب
ملي كنضيفو الحليب للشكلاط سواء الابيض او الاسود كيخلي الشكلاط يجي بحال الكريمة و ميتكسرش لينا عند تقطيع الكيك
ندخل الكيك للثلاجة حتى يبرد
و بالصحة و الراحة
ملاحظة :
بغيت نضيف واحد المعلومة هي أن الكوكوت تكون ديال الالومينيوم ادا كانت ديال اينوكس ما كاتصدقش الكيكة كاتحرق و كاتبقى معجنة
