هدو قريشلات مالحين بمكونات بسيطة وبنفس العجين ممكن نعملهم قريشلات حلوين ايضا ولكن نغير الفرماج و الملح ومطارد بالنافع والسكر وجنجلان
بالنسبة للمقادير سنحتاج ل:
*4 فرماجات مثلثة*كنور واحدة
*نصف ملعقة صغيرة ابزار
*ملعقة صغيرة ونصف ملح
*ملعقة كبيرة موطارد
*حفنة كبيرة من الجبن المبشور فالحكاكة الرقيقة
*4 بيضات
*500g زبدة مذوبة (زبدة لعبار)
*الطحين الكافي
الطريقة:
نخلطو كل العناصر جيييدا ما عدا الزبدة والطحين, مني نتأكو من تجانس الخليط, نضيف الزبدة مع التطريب بالطراب اليدوي بسرعة, بعد ذلك نضيفو الدقيق شيئا فشيئا حتى تجمع العجينة وندلكوها مززززيان, نخليوها ترتاح نصف ساعة.
نقسمو العجين ل 3 كرات:
*كرة نخليوها عادية
*كرة نضيفو ليها ملعقة كبيرة سودانية, وضفت ليها ايضا ملون أحمر وأصفر باش يعطيني اللون البرتقالي.
*كرة بالزعتر, فقط مرمدت سفيفدات العجين فالزعتر مطحون.
*الكرة الاولى طلقتها بالمدلك ونقطعوها بمراشم صغيرة وندخل اللاطة للفرن
*الكرة الثانية اللي ضفت ليها السودانية, خلطتها مزيييان, باش يسهال عليكم الامر وتجانس ليكم بسهولة, رشو الزيت فمكان العمل وزيتو تيديكم, مني تتجانس, نعملو منهم سفيفدات رقاق وندخلوهم للمجمد حتى يشدو راسهم, ونبداو فالتقطاع والى الفرن
الكرة الاخيرة, شكليها قضبان رقيقة, مرمديهم في الزعترمطحون او السانوج وعاودي حربليهم باش يلصق فيهم الزعتر او السانوج مزيان ودخليهم للمجمد حتى جمعو راسهم وقطعيهم بشكل مائل
