عزيزاتي بما ان الموسم الدراسي بدا وبدات المسؤولية واحتياجات الوليدات،جبتلكم هاد الكومير الرائع من تحضير الاخت Nichole El لي ممكن ياخدوه معاهم للمدرسة كسندويتش نتمنى يعجبكم وتجربوه.
المقادير:
- فورص الخاص بالحلويات، ملح ،خميرة خبز
- كاس حليب دافي ،معلقة كبيرة سنيدة
- معلقة صغيرة زيت،ماء دافى للعجن
الطريقة :
نخلطوا كلشي ونعجنوها مزيان ونخلوه يرتاح من بعد نقسموا العجينة كويرات ونحربلوهم طوال ونديروهم فالطاوة ديال باكيط ضروري من طاوة الباكيط تكون مرشوشة بالدقيق ونحطوا الباكيطة فالطاوة ونشرطوها بزيزوار جديد من الفوق ونخليوها تخمر مزيان من بعد ندخلها الفرن سخون طيب غي دوز 2 دقايق نخرجوا طاوة ونرشوها من الفوق الباكيط بالماء بارد فيه شي شوية ملح ونعاودوا ندخلوهم الفرن يطيبوا وضروري نكونوا دايرين شي زلافة ولا شي حاجة فيها الما فالفرن باش داك الما يطلق بخار فالفرن بالصحة والراحة.
هاد المول خاص بالباكيط هو لي استعملت.
