دجاج بالاناناس معسل
المقادير :
- القزبور والمعدنوس
- السمن.
- مكعب ديال الثوم.او الثوم عادي
- مكعبات ملون زعفران
- سكينجبير.الابزار.القرفة.
- معلقة عسل.
- البصل
طريقة التحضير :
خلطي المقادير كلها.ودهني الدجاج مزيان وخلي حتى تقطعي البصلة الى مكعبات.وعملي لكبدة فالشرمولة وخليها.
ومن بعد مايشرب الدجاج المقادير مزيان.دري البصلة فالطنجرة وحطي فوقها الدجاج.وزدي الزيت العادية.وخليه على عافية مهيلة.و قلبيه جهة بجهة .
وخليه يتحمر فالبصلة وزدي الماء ديال الاناناس.وهنا بدا كيطيب ويتحمر فنفس الوقت بلافرن .
خليه يطيب فالجناب ديال الطنجرة باش مايلصقش ويتحرق. خليوه يتحمر ودري الزبدة والعسل يدوبو وحطي الاناناس يتعسل.ومن بعد دري المشماش والبرقوق بنفس الطريقة. البرقوق سلقيه شوية.
وجذت الاناناس وزينته بهاد الطريقة باش ماياخدش ليا الوقت
