فقيقصات حلوين :
فقاص بالقهوة :
130 غ دقيق + معلقة كبيرة مايزينا + 90 غ زبدة لينة + 30 غ سكر كلاصي + 30 غ قهوة معصرة + معلقة صغيرة نيسكافي + شوكولا فرميسيل قبصة ملح .
نخلط القهوة المعصرة و هي سخونة مع نيسكافي نخليهم يبرد
نخلط الزبدة مع السكر و نزيد عليهم خليط القهوة الدقيق مع مايزينا و شوكولا فرميسيل و نشكل حرابل مدورين و ندخلهم للمجمد 30 دقيقة عاد نقطعهم و ندخلهم يطيب .
ديامون بالشوكولا :
80 غ زبدة + 40 غ سكر كلاصي + 10 غ كاكاو +نصف بيضة + 145 غ دقيق + فاني +قبصة ملح + شوية بيسطاس (إختياري ) .
نخدم الزبدة مع السكر و فاني نزيد نصف بيضة و الدقيق مع الكاكاو و طريفات البيسطاش نشكل حرابل دايرين ندوزهم في السكر سنيدة و ندخلهم للمجمد من بعد نقطعوهم و ندخلوهم للفرن يطيبو من 12 إلى 15 دقيقة على 170 درجة .
فقاص كاري بالفواكه الجافة :
بيضة + 40 غ سكر سنيدة + 75 غ زبدة لينة + 20 غ ليمون يابس مقطع + 20 غ فريز يابس مقطع + 20 غ تمر مقطع + 20 غ شريحة مقطع + 40 غ لوز مقطع + 10 غ بيسطاس مقطع + قبصة ملح + الدقيق حسب الخليط .
نخدم الزبدة مع السكر نزيد بيضة و الفواكه الجافة مقطعة طريفات و نجمع بالدقيق نشكل حرابل على شكل مربع ندوزهم في السكر سنيدة و ندخلهم للمجمد من بعد نقطعوهم و ندخلوهم للفرن يطيبو .
