السلام عليكم حبيباتي جبت ليكم اليوم قريشلات مالحين كدواز اتاي ويكونو ايضا فاطباق مرافقة فالمناسبات و الحفلات بدون استثناء وايضا ديريهم فعلبان صغيورين ويديوهم وليداتكم للمدرسة وتخليوهم يستغناو على شراء الاغذية المصنعة و الحلويات بلا مانطول عليكم
نبداو بسم الله.
مقادير قريشلات مالحين :
- 150 غرام زبدة
- 2 فرمجات
- معلقة كبيرة مايونيز
- معلقة كبيرة زيت الزيتون
- معلقة كبيرة خميرة الحلوى
- معلقة كبيرة سكر سنيدة
- ابزار
- ملح ضامة البنة كنور
- 350 غرام طحين وتقدري تحتاجي اكثر على حسب نوعيته
- زعتر يابس
- كيتشوب
- فرماج محكوك
طريقة التحضير :
فاناء نديرو الزبدة و الفرماج و الزيت و الخميرة و السكر سنيدة والملح و الابزار و ضامة البنة ونخلطو مزيان هادشي حتى يولي خليط متجانس وعاد نبداو نزيدو في الطحين بشوية بشوية حتى تجمع لينا العجينة وتكون رطبة ونقسموها على ثلاثة اجزاء او اكثر على حسب كم من مذاق تيريدين تحضيريه من طبيعة الحال من الممكن اضافة توابل اخرى لاغناء مذاق القريشلات ديالك.
القسم الاول لللعجين كنزيدو عليها الزعتر ونعجنوها باش يتجانس مع العجين و الكرة الثانية زدت عليها الفرماج احمر محكوك و نفس الشيئ خليناه يولي متجانس فالعجين و الكرة الاخيرة ضفنا عليها الكيتشوب ونفس الشيئ حتى هي وملي كل وحدة تولي جاهز و كنسرحو العجينة ديالنا فوق طاولة مرشوشة مزيان بالطحين بالدلاك ونجيبو المقطع لي بغينا انا ختاريت واحد دائري و الاخر على شكل مثلث و الاخير بشكل نجمة.
ونبقاو حتى نكملو العجين ديالنا كامل و نستفوه فوق طاوة مدهونة بالزيت ومرشوشة بالطحين وندخلوهم لفران سخون مزيان و ملي يخرجو نقدموهم باردين وممكن جارتي تغيري فالاشكال على حسب ذوقك و كذلك الطعم لي باغاه يكون فالقريشلات ديالك ، بالصحة و الراحة هاهوما قريشلات مالحين موجودين.
