نقترح عليك سيدتي فطائر رائعة محشوة بلاداند خفيفة للعشاء
مقادير العجينة
في إناء نخلط 2 معلق كبار سكر مع معلقة كبير خميرة الخبز وجوج كيسان ماء دافئ وملعقة صغير ملح ثم جوج كيسان طحين نخليوها ترتاح عشرة دقائق منبعد تنزيد عليها 3 كيسان طحين ملعقة كبيرين حليب نيدو ونصف كأس زيت ونعجنوها مزيان ونخليوها تخمر
مقادير الحشوة
بصلة كبير مقطعة رقيق تنشحروها مع شوية زيت حتي تبياض ونضيف مقدار 300 غرام دجاج أو لحم الديك الرومي مقطع صغير وفلفة حمراء مقطعة رقيق و3 فصوص ثم والعطرية ملح ابزار سكنجبير تحميرة كنضيفو الزيت عند الحاجة نخليوها حتى طيب ونزيد عليها جوج خيزو محكوك فحكاكة غليضة وجوج كرعة خضراء محكوكة أيضا فحكاكة غليظة والربيع ونخليوها طيب وتشرب الماء ديالها مزيان ونخليوها تبرد
طريقة تحضير الفطائر
منبعد ماخلينا العجينة تخمر شوية تنقسموه لكويرات صغيرة حسب الرغبة وندلكوهوم شوية على شكل طولي ونضيفو شوية الحشوة وسطها ونسدوها بجمع الجناب للوسط منبعد نقلبوها ونحوها فلاطة مدهونة بالزيت ثم ندهنو الفطائر ديالنا باصفر البيض ونديرو خطوط فوقها بالموس وندردرو شوية زنجلان وندخلوها للفران طيب حتى تحمر من التحت تم تحمرها من الفوق وبصحتكم
