نقترح عليك سيدتي تحضير كرواصة فالدار فحال ديال المخبزات ساهلة بالصور
عجين كرواصة : نص كيلو فورص + زلاة صغيرة الحمرا + 2 م ك سنيدة
+ قبصة ملح + 2 م ك زيت عادي + م ك خميرة الخبز في الجنب مدوبة في نص كاس حليب دافي + 2 خمارة في الجنب + فاني + م ك حليب بودرة + بيضة
ونعجن باليد ونبدا نضيف الما عادي من الروبيني حتى تجمع خصها تكون خفيفة
ونغطيها ونخليها ترتاح 10 دقايق
ناخد العجين ونسرحو وندير وسط منو 150 غ ديال زبدة توراق شرائح ونطوي العجين على 4 او 5 المرات
نطلقها مرة اخيرة على العرض و الطول نص سنتيم ي السمك
كرواصة مربعات أي نقطعها 10 سنتيم طول على 4 سنتيم عرض ندير فيها شكلاط طويل ديال كرواصة في الراس ونطويها 2 طويات بدون ما نضغط على العجين ونسد بشوية الما او الحليب ونخليها تخمر
كرواصة هلاليات : ناخد مستطيل فيه 12 سنتيم في العرض ونقسمو مثلثات ديال 8 سنتيم – نقسم الجهة اللي فيها 8 سنتيم من الوسط بالقياس ديال سنتيم واحد ونبدا نلوي العجين من تما نيت حتى نوصل للجهة الرقيقة وفي الاخير نلويها شوية على شكل هلال
الحشوة : 150 غ بودرة اللوز بالقشرة او بلاش + بياض بيضة + نص خمارة حلوى + فاني + 2 م ك سكر كلاصي + م ك بودرة الحليب + م ك الما او الحليب ونطرب الكل
ناخد م ص نديرها في كل كرواصة ونلويها
الحيوة اللي بقات ندير بيها التزيين من الفوق من بعد ما نضيف ليه م ك حليب سائل و م ك سكر كلاصي – حتى تخرج كرواصة عاد ندير هاد الخليط ونرجعها للفران سخون لكن طافي 5 دقايق حتى يدوب
الكرواصة كتاخد 25 دقيقة في الفران سخون مسبقا لكن نااقص اثناء الطياب
