انا من عشاق القديد ومنين كيتقاضى ديال العيد كنبقى نتشهى فيه كل مرة.
ايوا قلت مع راسي علاش ما نديرش هاد الفكرة ويكون عندي القديد دايما فالدار.
الفكرة هي انني كل مرة تقدينا اللحم كناخد منو قطعة زوينة ونقددها وندير ليها التوابل بحال العادة ونشرها ونحتافظ بيها فالفريكو .
وهكدا مرة على مرة كنجمع كمية ديال القديد والوقت لي تشهيتو كنلقاه واجد.
هاد الطريقة ولات عندي عادة جربوها واعتامدوها حتى نتوما راها عملية واقتصادية.
وتمتعو ليا بقديدات طول العام.
التوابل لي كندير فيه هي الكمون والقزبور حبوب مطحون و التومة مدقوقة بقشورها مع الملح نخليه يترقد فالتلاجة حتى للغد ونشرو.
كندير ليه التوابل ونعملو فبواطة فالتلاجة حتى للغد عاد كنديرو فالشمس حتي ييبس تم كنحتافض بيه فالفريكو.
نفس الطريقة والتوابل لي كنديرو عادة فالقديد ما كاين حتى اختلاف.
اوا نتمنى تكون عجبتكم الفكرة
