مقادير عجين :
- 250 غ دقيق
- 140 غ ماء دافئ
- 7 غ خميرة
- 2 م.ك زيت زيتون او عادي لي عجبكم
- ربع م.ص ملح
طريقة تحضير عجين :
كنجمعو جميع المقادير و نخدمو العجين بيدينا لازم يكون لين و ماكيلصقش باليد و نغطيوه و نخليوه يخمر حتى يضاعف الحجم ديالو ( بالنسبة للماء نتوما كتعجنو و نتوما كضيفو الماء على حسب كل دقيق انما تقريبا غدي تاخد ليكم 140 غ ديال الماء )
مقادير حشوة :
- بصلة متوسطة مقطعة قطع صغيرة
- 2 فلفة اخضر مقطعين مربعات
- 1 فلفل احمر صغير مقطع مربعات
- 2 حكاك طون مصفيين من الزيت
- حفينة من الزيتون خضر مقطع
- 3 ملاعق كبيرة صوص طماطم
- زيت زيتون
- ابزار
- ملح
طريقة تحضير حشوة :
ناخدو مقلاة و نضع فيها القليل من الزيت و نقوم بقلي البصلة فيها مع الفلفة الخضراء و الحمراء ملح و ابزا، بعد ذالك نضيف صوص الطماطم و نضيف عليهم ابزار و الطون مع الزيتون و نخلط الكل و نترك الحشوة على جنب تبرد قليلا.
من بعدما خمرات العجينة ناخدوها و نقسموها على 22 و نبسط الكورة الاولى بالمدلك على شكل دائري او حسب الشكل لي بغيتو لازم تكون العجينة رقيييقة و نضعها في اللاطة ( انا استعملت اللاطة ديال البيتزا).
نضع الحشوة فوق العجين الموجود فاللاطة، بسط النصف المتبقي من العجينة و نضعها فوق الحشوة نزيل البقايا و نجمع العجينة السفلى مع العجينة العليا و كنقرص فيها باش ماتخرجش الحشوة، و بالنسبة للعجين لي شاط نطلقوه و نقطعوه بقطاعات الشكل لي بغينا و نزينو به من الفوق , ندهنها بالبيض و نضع ثقوب فالخبيزة بقطيب و ندخلوها الفران حتى طيب و تحمر.
