وصفة الأخت حنان
الطريقة: دجاج كنغسلو مزيان و نرقدو ف الحامض و الطحينو الماء .
العمارة ديال الدجاج : كبدة و القلوبة ديال الدجاج الزيتون مقطع شوية د الهريسة والشعرية صينية مرطبها ف الما طايب و مقطعة و نزيد الشرمولة
الشرمولة: قسبور و معدنوس مقطع لقياس لي يقدك ف الدجاج شوية د الحامض والتومة و الكامون و تحميرة و شوية صلصة الصوجا و شوية د الgوزة محكوكة و الملحة و معلقة صغيرة د سمن متكونش عامرة و شي كنور د دجاج لي بغا و معلقة زيت بلدية.
كنخلط هادشي مزيان و نعمر دجاج من الداخل ودجاج من برا كندير شرمولة صغيرة فيها غي شوية دالبزار و الملحة وخرقوم وزيت بلدية و نصف كنور و معلقة د المطارد وشوية سكينجبير ونخلط مزيان وندوز الدجاج فيه ونتقب الصدر شي تقبات بالعود باش دخل فيه شرمولة .و باش يجي زوين ديرو هادشي و خليه يرقد فيه شي 3 ساعات و كنديرو يفور ( كندير الدجاج ف بابي المينيوم او كنديروه ميكا بيضا و ديرو يفور باش شرمولة كتبقى فيه متهبطش ف الطنجرة و كتبقى دجاجة مجموعة و كتجي ساهلة ف الهزان) انا دجاج كنطيبو نصف طيبة و كنديرو ف فران ضو باش كيطيب مزيان كنكون مغطياه باش يتحرق و الما معاه من التحت وكبقى يطيب. حتى كيتحمر كي كتشوفو والصدر ديال دجاج كيطيب مزيان مكيبقاش مخشب .
الخضر : كنصلقها كل حاجة بوحدها و كنولي نشحرها ف شوية د الزيت مع شوية دالملحة و البزار و المعدنوس
بالصحة و الراحة و الزواق كل واحد و دوقو و مطيشة كتبقى خضرا
