السلام عليكم ورحمة الله وبركاته اخواتي العزيزات
تشعرين بالملل من طجين بالخضر او مرق بالخضر وترغبن بالتغيير اقدم لكم التغيير واتمنى تنال اعجابكم
نقدم لكم شرمولة الي تعملي في الخضر مشرملة
في كسرولة اضع الشرمولة الي هي:3ثومة محكوكة – قزبور ومعدنوس مقطعين رقيق وكثار نوعا ما- معلقة كبيرة طماطم الحك- زيت العود- لبزار- تحميرة- ملح- خرقوم – والكامون سكنجبير الهريسة و 2طماطم محكوكة زولت لها زريعة ملي الشرمولة تشحر مزيان تعملي اي خضر اي حاجة من الخضر ونخليه حتى يطيب ومرة مرة حركي وزيدي 2 معالق ماء ونار هادئة ويتشحرو مزيان يعني لما تقدمي الخضر مشرملة في الطبسيل تكون خاثرة
وهاهي الخضر الي نعمل بعد ما تكون فورتها في كسكاس ونرميها مباشرة على شرمولة
وكان نعمل هده الطريقة لكل الخضر وهي بطاطا او جزرا والفلفلة حلوة مشوية او الجلبانة اوالفول الاخضراللوبيا وودنجال كيجي زعلوك بهده شرمولة بعد ما شويتو فوق نار ونقيتو كل نوع من خضر مشرمل لوحده كنوع بهم الطبلة
مع الطجين باللحم او دجاج بلا خضر او المرق او سمك و كيجيو غزالين ولداد
وبالنسبة الي عندها سكري وممنوع عليها هده خضر هده نصيحة قدمتها لخالتي مسكينة عندها سكري
وجربتها وعجبتها وجاتها الخضر بنينة لانها تاكل فقط اللفت ودنجال و اللوبيا الخضراء والقرعة الخضراء
كتوجد الشرمولة وترمي فيها خضر مجموعة كيجيو بنان بالشرمولة
جربوهم وردو عليا الخبار هده الطريقة تعلمتها من واحد السيدة صديقتي مكناسية جزاها الله خيرا
