طريقة تحضير حلوة سبولة بالصور

السلام عليكم من عند الاخت ام هدايا كنقدم ليكم طريقة تحضير حلوة سبولة بالصور كتجي زوينة فالمنظر و المذاق و ساهلة في التحضير

المقادير و الطريقة ديال العجينة

كيلو ديال الفورص النوع الممتاز انا كنستعمل تريا –كاس اتاي مشرط من لتحت

ديال زبدة مدوبة ومصفية كنستعمل زبدة صفراء ديال العبار –نفس الكاس

ديال زيت –كاس ديال ماء زهر –شوية مسكة حرة –شوية ملح –

4 معالق سنيدة وكنجمعوها بالما دافي وندلكوها مزيان تقريبا

شي نصف ساعة او اكثر وكنخليوها ترتاح عاد نستعملولها

المقاديرو الطريقة ديال عجينة اللوز..

كيلو ديا ل اللوز البلدي لي كنخويو عليه ماء غليان ونخليواه واد 5دقائق ونصفيواه

ونقشروه ونخليواه ينشف من الماء ونديواه نطحنوه انا كنديه عند واحد مختص

في طحن اللوزكيوزنوا وكيشوف شحال خاصو ديال سنيدة لي معندوش

هاد الامكانية يطحنو فالدار 2مرات نزيدو عليه كاس ديال زبدة مدوبة

ومصفية –مسكة حرة – قطرات روح ديال زهر ولا 2معالق كبار

ماء زهروحتى هو خصو يتدلك مزيان شي 15 دقيقة

بالنسبة لهاد الشكل العجينة خصها تكون رقيقة اللوز يكون كيبان

باش يجي النقش مزيان كيف جميع حلويات اللوز خصها تبات وندهنوها

بالزبدة مدوبة ومصفية عاد نطيبوها وملي طيب كندهنوها

بالنباج ونديروها فالكويغطات

بالصحة و الراحة