هاد الطريقة قالها واحد صاحب خويا مول واحد المطعم ديال السمك
كلينا واحد المرة هاد الحوت وعجباتني وملي سولوه على الطريقة قاليه الطريقة ومبخلش عليه
الله يجازيه بالخير
ومن داك اليوم كلما لقينا هاد الحوت منقدروش نبقاو منشريوهمش
المهم بلا منزيد عليكم بلبلة
المقادير والطريقة
- 1 كلغ من السمك الصغير جدا
- 3 بيضات
- 3 م ص طحين
- 1 م مايونيز
- 1 م صلصة الطماطم
- 2 م ك زيت بلدية
- ملح
- ابزار
- كمون
- تحميرة
- زعفران
- سكنجبير
- ثوم حسب الذوق الا مابغيتيش ماشي مشكل
الطريقة
كتهرسي دوك 3 بيضات و كتخلطيها مع الطحين و العطرية كلها و الزيت كتخلطيهم مزيان من بعد كتزيدي عليه السمك الصغير وكتخلطيه معاه مزيات حتى تندمج كل العناصر
بحال هاد الصورة
كنديرو الزيت طيب مزيان
وكناخدو ملعقة نعمرو بيها السمك ونديروه في الزيت
ها هي في الزيت كطيب مممممم
ها هي من بعد ما وجدات
كنقدموه بالصحة والراحة
جربوها مغتندموش
