مقادير الجنواز
- 4 بيضات
- كاس عنبه ديال الدقيق
- كاس عنبة ديال السكر
- معلقة صغيرة ديال الخميرة الحلوى
السر في طريقة الخدمة كنضرب البيض بوحدو وكنضيف السكر تدريجيا مع الخفق المستمر حتى كيولي شكله ابيض وحجمه مضاعف في نفس الوقت كنضيف الدقيق تدريجيا مع الخميرة (الدقيق يكون منخووووول مرة او مرتين من بعد نخلطوه مع الخميرة ونضيفه) صافي نكبوه في القالب ديالنا وندخلوه للفرن مدة 15 دقيقة
مقادير الايس كريم
- 2 كيسان كبار ديال الكريما السائلة
- كاس صغير ديال السكر
- 2 دانيت بنكهه الكراميل
- 2 دانيت بنكهه الشوكولا
كنطرب الكريما على سرعة عاليه حتى تقشد راسها شويه ونزيد السكر تدريجيا ونكمل الخفق قليلا ماشي تكون وااااقفة نخليوها خفيفة بعض الشي من بعد نقسم الخليط الى جزئين واحد نخلط معاه دانيت ديال الشكلاط والتاني بدانيت ديال الكراميل
كنقسمو الكيك بعد مابرد على زوج كيفما واضح في الصوره وكنجيبو القالب ديالنا الي كيتحل من الجناب الا معندكش ديري ورق الزبده او البلاستيك الغدائ غلفي بيه القالب تم وضعي طرف ديال الكيك الي قسمنا هو الاول عليه طبقة من الكريما بالكراميل تم طبقة من الكريما بالشوكولا تم طبقه من الكيك وغطي الكيك بطبقة من الالخليط المتبقي عندك من الكراميل او الشوكولاتو ادخيلهها الفريزر او المجمد حوالي 6 ساعات او ليلة كامله تم التزين حسب ذوقك انا زينته بالمكسرات والشكولا وبالصحة والراحة
نخليكم مع الصور…
